Magjia e kohës moderne  

Ja dhe magjia e madhe

e kohës moderne:

të zhytesh thellë në kontemplacionin më të lartë,

duke qenë i përzier me të gjithë,

duke patur njerëzit përbri.

Do të doja të them dhe më: të përhumbësh mes turmës

e të nginjesh me hyjnoren,

si kafshatë e bukës

e kredhur në verë.

Do të doja të them dhe më:

të marrësh pjesë në qëllimet që ka Zoti

lidhur me njerëzimin,

të përndezësh për turmën flakërima drite

dhe, ndërkohë, të ndash me të afërmin

urinë, turpin, shqetësimet dhe gëzimn' e shkurtër.

Sepse kjo magji

e kohës sonë, si në tërë kohërat,

është më njerëzorja dhe më hyjnorja gjë

që mund të mendohet -

Jezusi e Maria:

I biri i zdrukthëtarit - Fjala e Zotit,

Nëna e shtëpisë - Seli e urtësisë.